5 persone nant'à u situ.
15/07/2008

 

MONTEGROSSU "A FIERA DI L'ALIVU "


U sabbatu 19 è a dumenica 20 lugliu, si tenerà a 20esima "Fiera di l'Alivu" in Montegrossu. U Parcu Naturale di Corsica ferà un'espusizione nant'à l'ulivu. In più, u Parcu hà pensatu à i zitelli, per elli ci serà un attellu nant'à u Gypaète Barbu.


Sti dui ghjorni, averete animazioni nant'à l'oliu d'uliva, cù a Cooperativa Oleicula di Balagna è un franghju purtativu, per una demustrazione di franghjera di l'ulive.


U sabbatu 19 lugliu, l'apertura di a fiera hè fissata à 4 ore è mezu, principierà cù una messa, seguiterà una visita di u patrimoniu di Montegrossu, per vede i metudi d'intrattenimentu è di tagliu di l'ulivi. In seratinata, i raconti tradiziunali in Corsu è in Francese di Lucia Innocenti, i novi Cavalieri di a Cunfraterna "L'Oléa" anu da intrunizà i cunfratelli. À 10 di sera ci serà u cuncertu di Maï Pesce.


A dumenica 20 lugliu, a fiera serà aperta à u publicu à parte da 9 ore è mezu. À 10 ore in a scola di Montemaggiore, cunferenze cù una delegazione chì vene da a Liguria per l'oleicultori prufeziunali è amatori. L'associu "Cucina Corsa" ferà una demustrazione di sosule corse, in prisenza di Robert Caume è David Mezzacqui. À 4 ore iniziazione à a tastera di l'oliu A.O.C. Oliu di Corsica. À 7 ore si piglierà l'apperitivu in cumpagnia di Gérard Poletti à son'di chitarra è mandulina. Infine, à 9 ore è mezu, serata cù Paul Sinibaldi è i so musicanti.


Tutte l'animazioni di a fiera sò gratisi, per sapenne dipiù: 04.95.62.81.72.



Riferenza in l'archivii ADECEC: A - F M 12.07.08

 

 

Rivene à a pagina d'infurmazioni